PSALMEN 145 : 14 – 17

SERMON PARHALADO HKBP SIDIKALANG

TU MINGGU VIII DUNG TRINITATIS

PSALMEN 145 : 14 – 17

Patujolo

Pardenggan basa do Jahowa tu saluhut jolma. Songon i nang tu saluhut na tinompaNa. I do dihatindanghon parpsalmen di ayat 9. Ndang na holan hata sambing pandohan i, alai marharoroan do i sian “Pengalaman Iman” na manangkas sian parpsalmen di ngoluna (Raja David nang bangso Israel). I ma na mangonjar parsitutuon ni rohana mamuji Tuhan Debata sian saluhut hadirionna. “Pengalaman iman” i boi do diadophon tu rumang ni ngolu, na sipata di bagasan las ni roha, songon i nang arsak ni roha. Sude tahe rumang ni ngolu i, ndang gabe marpanghurangi parsihohoton ni na tangkas porsea i marpangunsandean tu Debata.

Tarrajum tu horong ende pujipujian do Psalmen 145 on, jala laho pamurahon pangantusion dohot panghangoluhononta di hata ni Debata na di bindu on, mansai denggan tapabahir tu 3 turpuk; I ma:

-      Ayat 1 – 7      : I ma ende Pujipujian tu Debata di na mangarajumi denggan basaNa

-      Ayat 8 – 13   : Dasor ni Pujipujian tu Debata, i ma denggan basaNa jala pasupasuNa tu saluhut jolma

-      Ayat 14–21  : angka rumang ni denggan basaNa/pangaramotionNa di ngolu ni jolma.

Tongon ma ondolan sitangkasanta sian ayat 14 – 17.

Hatorangan

“Pengalaman Iman” tontu sahali martudutudu tu do pangaramotion ni Debata na marudutudut di sude partingkian ni ngolunta. Di ayat 14 – 17, dipaandar do angka rumangna, I ma:

1.       Jahowa do situngkol sude angka na naeng tinggang, jala * sipahehe sude angka na tungki marroha. TUHAN itu penopang bagi semua orang yang jatuh dan penegak bagi semua orang yang tertunduk. (Ayat 14)

1.Diurupi Debata do saluhut angka na gale. Dienet sian angka parsorion ni ngolu. Ditungkoli angka na naeng tinggang. Tinggang di parngoluon siapari, tarlumobi na tinggang di haporseaon. Molo pe sipata ro angka na borat di sitaonon ni jolma (pardagingon nang partondion), tongoson ni Debata do pangurupion di tingki halehetanna be. Di I Korint 10:13 didok hata ni Debata; Holan pangunjunan na patut di jolma do naung mangonai tu hamu. Haposan do Debata, ndang loasonna hamu unjunan lobi sian gogomuna; Ibana na parohon pangunjunan i, laos Ibana do mambahen hapateanna, asa tartaon hamu. Alai pandonganion ni Debata ndang na marlapatan gabe dao angka hamaolon dohot parsorion ni ngolu. Alai dipasahat Debata do gogo laho mangadopisa, laos i do pos ni roha manghabengethonsa. Molo ro sitaonon i, ingkon taonon do. Gogo do sipangidoon sian Ibana.

2.       Mangaranap tu Ho do angka mata ni sasudena, jadi dilehon Ho tu nasida sipanganonnasida di tingkina be. Mata sekalian orang menantikan Engkau, dan Engkau pun memberi mereka makanan pada waktunya; (ayat 15)

2.Makan adalah ucapan syukur. Ai saluhutna i na sian Debata do i. Marhite i naeng ma ganup na tongon mamparsaulihon sipanganon, marhatopothon hataridaan pandonganion ni Debata do na masa di na marsipanganon. Ndang na marlapatan ia molo so dapot sipaganon, gabe dang diramoti Debata. Saluhutna do tahe diramoti Ibana. Saluhutna tinompaNa, mangaranap (memancarkan) tu hamuliaon ni Debata do. Ciptaan diciptakan adalah untuk pencipta-Nya, bukan untuk ciptaan itu sendiri. Marhite i, luhut ma nian na tinompana (tarlumobi jolma) mangarajumi pangaramotion ni Debata di parngoluon pardagingonna be. Di ngolu na songon i ma targoar na sai mangaranap tu Debata. Lam tangkas tahe diondolhon Tuhan Jesus, di Mateus  6:26 “Bereng hamu ma pidong angka na martongatonga langit, angka na so manabur, na so manggotil, na so papunguhon tu sopo; tong do diparmudumudu Amamuna na di banua ginjang i nasida! Nda godang dope hasurunganmuna sian i!“

Ihut tu si, luhut ma manghamauliatehon sipanganon na pinasahat ni Debata. Muruk do Jahowa marhite ulok tulung api, di na hinaginehon ni bangso Israel sipanganon na pinarade ni Debata di Parhorsihan i. Adong do pandohan; makanlah sebelum lapar, berhentilah makan sebelum kenyang. Boi do ra tong gabe sada refleksi di hita.

3.       Dibungka Ho do tanganmu pasombu lomo ni roha ni nasa na mangolu, Engkau yang membuka tangan-Mu dan yang berkenan mengenyangkan segala yang hidup. (ay. 16)

3.Molo sian hadirion ni hajolmaon, tung so tarbahen do jongjong di adopan ni Debata. Alai sai dibungka do tanganNa na lambok i manjanghon angka jolma na jungkat marroha, jala dang dibaloshon rimasNa hombar tu angka hajahaton ni na tinompaNa i. Ndang na marlapatan gabe dipasombu Debata jolma marlomolomo di hajahatonna. Alai dilehon Debata tingki asa marhamubaon, ala asi ni rohaNa sambing do i. Alai boi do masa, lam tu lumlamna pangalaho ni hajolmaon, hape nunga nian tongon di tingki parasian. Hira na sai uasan di tonga ni laut na bidang, mangonai ma uhum ni Debata tu angka na so muba i.

Saluhutna rumang ni panarihononNa I papatarhon; * Na bonar do Jahowa di saluhut angka dalanna jala basa di bagasan saluhut jadijadianna i.  TUHAN itu adil dalam segala jalan-Nya dan penuh kasih setia dalam segala perbuatan-Nya. (ay. 17).

Sipahusorhusoron

Topik minggunta: “Disarihon Debata na ringkot di bangsoNa”. Disarihon Debata marsipanganon pardagingon nang partondion. Di jamita minggu; disarihon Debata do ngolu ni saratus halak, na marsipanganon nasida hinobasan ni Panurirang Elisa (2 Raja 4 : 42-44). Sian panompaon sahat tu nuaeng nang sahat tu ari sogot tarrajum do i ”rentetan sejarah keselamatan Tuhan atas ciptaanNya”. Marhite i ma, ia hita nuaeng mardalan di ngolu na disarihon Debata. Antong boasa adong na so tangkas manghangoluhon panarihonon ni Debata di ngoluna, gabe dipangasahon gogona???

Didok Tuhan Jesus di Mateus 6:30-31 Asa molo songon i diparulosi Debata duhutduhut na di ladang i, na jongjong songon sadari on, na tupa dipuruni marsogotna i, lam hamu ma, lam so parulosanna! Oe hamu siotik haporseaon!  Antong unang ma holsoan rohamuna, mandok: Aha ma panganonnami? Aha ma inumonnami? Aha ma parabitonnami? Siotik haporseaon, i do persoalanna.   Taharingkoti ma “Pengalaman Iman” dohot Debata marhite huriaNa, ai patoguonNa do haporseaonta dang gabe halak na sai holsoan di ngolu na satongkin on. Amen!                            Pdt. Harminto Sihombing, STh