PSALMEN 146 : 1 – 10

SERMON PARHALADO HKBP SIDIKALANG

TU MINGGU XIV DUNG TRINITATIS

==================================================================================================

PSALMEN 146 : 1 – 10

1.       Dihangoluhon raja David do na pasahat pujipujian tu Debata, marningot ragam ni pambahenan ni Debata di sandok ngoluna. Molo marningot pambahenan ni Debata, tama do sude angka na manggulmit ro marsomba tu Ibana pasahathon pujipujian. Ai marhite pambahenanNa do manjadi portibi on, jala marhasangapon do Ibana di sude partingkian sahat tu ngolu sadari on. On ma na mangonjar parpsalmen mandok: Ale tondingku, puji ma Jahowa!

2.       Lima (5) bindu na gabe panutup ni buku Psalmen, marhataridaan sian rumangna (cirri khas), na dibuha jala dipaujung marhite pandohan “Haleluya”, na marlapatan “puji Tuhan” (bindu 146-150). Pandohan i papatarhon ia luhutna angka psalmen na di Bibelta , magarahon (mangajak) luhutna asa mamuji Debata. Panandaon na tangkas di Tuhan I nang di angka dalanNa, jala pasidohot (ikut serta) di rencana akbar-Nya, ingkon do manongtong mamuji Tuhan. Jolma nang angka pangarajai, dongon i nang angka anak ni jolma, dang tarbahen gabe haposan ni ngolu, ala marhaujungan do saluhutna, nda holan Debata Jahowa sandiri do tahe na gabe panghirimon. Sikap ni ngolu na holan marhalanomhon Debata di parngoluon, tu si do hita diarahon turpukta.

3.       Unang ma marhaposan tu jolma: Boasa? Ia jolma marhaujungan do. Mansai tangkas do di ayat 4 diondolhon, Ia ruar sogot * tondina i, mulak ma ibana tu tanona, di ari na sasada i pesan ma sude angka sangkapsangkapna i. Tegas do hata ni Debata mangondolhon ia daging ni jolma gabe tano muse, dung ruar tondina i. Pesan (lenyap) ma sude sangkapsangkapna. Hombar tusi ma, asa holam marhalanomhon/haposan tu Debata. Debata do ma mamuhai ngolu, tapalanom ma nang ibana paujunghonsa hombar tu sangkapNa. Dang na mandok dang denggan marhaposan tu dongan jolma, alai tahaposi ma angka jolma na haposan tu Debata. Asa ngolu na masihaposan di hajolmaon, i ma ngolu na rap masihaposan tu Debata sambing. Nunga terjadi nuaeng krisis kpercayaan di ngolu ni jolma di partingkian on. Rakyat tu pamarenta, natoras tu ianakhon, nang di angka na saulaon pe di tongatonga ni huria. Sada sahit na BALGA do molo so rap masihaposan be parhalado di tongatonga ni sada huria, tarlumobi taringot tu pelean nang parhepengon. Di ngoluna pe dang be haposan, sai boha ma haposan tu Debata?? Gabe gabus ma saluhut parhuriaonna nang haporseaonna. Dang haposan nang angka na pasombuhon angka donganna jolma tarrante di sahit na balga i, ai gabe sian ibana do muse “tuntuton” ni Debata mudarna. Tangkas do hata ni Debata di Hes. 3:18 Molo hudok tu parjahat i: Ingkon mate ho, hape ndang dipalumba ho ibana, jala ndang diapoi ho ibana tumundalhon dalanna na jahat i, asa dapotan hangoluan ibana nian; sai na mate do nian parjahat i di bagasan hajahatonna, alai * sian tanganmi do partungguhononku mudarna.

4.       Martua ma manang ise, na mambahen Debata ni si Jakkob pangurupina, marpangkirimon ibana di Jahowa Debatana! (ay. 5). Tarajumi do sude jolma manghalungunhon tua. Holan Tuhan Jahowa di silehon tua (kebahagiaan). Pandohan “Debata ni si Jakkob” martudutudu tu togu ni janji ni Debata tu bangsoNa marsundutsundut, i ma janji hatuaon (kebahagiaan) i. Ibana do:

Ø  Ay 6 Sitompa langit dohot tano on dohot laut ro di isina sudena, Siingot hasintongan ro di salelenglelengna.

Aha do sangkap/tujuan panompaon na pinatupa ni Debata?? Tarataratai ma marhite sermonta on. Molo disungkun hita, boasa adong hita di portibi on? Boha do alusta? Pangantusion na tangkas tu panompaon ni Debata di saluhut, lam pahothon parsitutuon sasahalak do i mamuji Ibana. Mangarajumi diri sandiri na gabe sada “ciptaan yang sangat berharga” di Debata, patubuhon parsihohoton tu Ibana. Anda spesial di mata Tuhan, dan sangat dicintaiNya. Anda bukan lahir dan hadir di dunia ini karena kebetulan, namun atas rencana dan rancangan Tuhan. Hasintonganna do na patar sian saluhutna panompaonNa I. Penciptaan adalah deklarasi kebenaran, keadilan dan kebaikan Tuhan, jala na hot do i salelenglelengna/tak terbatas. Talup ma antong tarespon panompaonNa i, marhite pamujion na marsitutu.

Ø  Ay 7-8 Sipatingkos uhum tu angka na nirupa, Silehon sipanganon tu angka na male. Jahowa mangkarhari angka na tarrante. Tigor do uhum ni jahowa, hasintongan do angka dalanNa. Tarlumobi tu angka jolma na nirupa ni angka ketidakadilan/pangarupaon. Di angka na mengalami angka ketidakadilan, Debata mardalan rap nasida. Di angka na mangulahon na so tingkos/ketidakadilan i, perlu disadari, bahwa sebenarnya dia sedang berhadapan dan berperkara dengan Tuhan yang maha adil dan benar. Songon i nang di angka na tarrante (terpenjara), secara fisik pe i, tarlumobi na terpenjara ala ni dosa (partondion), taungkap ma ngolunta asa bongot Jahowa. Jahowa do patonggor mata ni angka na mapitung, Jahowa pahehe angka na * tungki, Jahowa mangkaholongi angka partigor.

Ø  Ay 9 Jahowa mangaramoti * halak na buro, Ibana * margogoihon angka na sopot so marama so marina dohot angka na mabalu, jala dipalipe ianggo dalan ni angka parjahat. Saluhutna do diramoti Debata ngolu ni jolma. Halak na buro (buro di sada huta, nang buro di haporseaon), mampargogoi na gale di hajolmaon (na so marama/maina – na mabalu). Sada jaminan perlindungan dipasahat Debata tu angka na gale. Gale tarlumobi sian pamerengan ni hajolmaon. Nang pe so mandapot hak nang status sasahalak, isara ni na mabalu sian segi adat, alai anggo Debata tangkas do dipataridahon pangaramotionna. Ai Jahowa do raja ro di salelenglelengna, Debatami, marsundutsundut sahat tu tingki on.

5.       TOPIK MINGGU: RO TUHANTA LAHO PALUAHON, dipangido ma asa holan marhalanomhon Debata di parngoluon on. Tuhan Jahowa gabe jawaban di saluhut persoalan hidup. Boi do tangkas dihilala laos di hangoluhon sasahalak i, molo denggan jala marsitutu nang ibana mamuji Debata di ngoluna. Tarhangoluhonna ma ngolu na HAPOSAN. Di ragam ni angka kesulitan/hamaolon pribadi ni par Psalm-diHATINDANGHON ibana do Jahowa na patuduhon dalan dohot papatarhon pambahenanNa. Tujuanna i ma asa tongtong ibana mangolu hombar tu dalan naung pinatudu manang pinabotohon ni Jahowa. Lam patar do i di ngolunta, marhite Jesus Kistus naung paluahon hita sian dosa.

HS/31/08/2012